Images
  • sembawang grc
    ((படம்: Reichie Chng Teck Kiam/Facebook)

முன்னாள் செம்பவாங் அடித்தளத் தலைவர் மீது மோசடிக் குற்றச்சாட்டு

முன்னாள் செம்பவாங் அடித்தளத் தலைவர் Reichie Chng, 150க்கும் மேற்பட்ட குற்றச்சாட்டுகளை எதிர்நோக்குகிறார். பல்வேறு ஏமாற்று, கையெழுத்து மோசடிக் குற்றங்களை அவர் புரிந்ததாக நம்பப்படுகிறது.

அந்த மோசடிகளில் S$1.4 மில்லியனுக்கு மேற்பட்ட தொகை சம்பந்தப்பட்டிருந்ததாக நீதிமன்றப் பத்திரங்கள் தெரிவிக்கின்றன.

செம்பவாங் குழுத்தொகுதி நாடாளுமன்ற உறுப்பினரான திரு. ஓங் யீ காங்கின் பெயரைப் பயன்படுத்தி சிங் மோசடி செய்ததாகக் கூறப்பட்டது.

சிங், கடந்தாண்டு ஆகஸ்ட் 31ஆம் தேதி, போலியான மின்-பதிவைச் செய்துள்ளார். தனக்கும் கல்வியமைச்சரான திரு.ஓங்கிற்கும் இடையே நடைபெற்ற WhatsApp கலந்துரையாடலை அவர் படமெடுத்துள்ளார். அமைச்சர் முதலீட்டுத் திட்டத்தில் பங்கேற்பது தொடர்பாக அந்தக் கலந்துரையாடல் அமைந்திருந்தது.

அந்த மின்-பதிவைச் செய்தது திரு. ஓங் என மற்றவர்களை ஏமாற்றுவதற்காக செங் அந்தப் பதிவை உருவாக்கியதாகக் கூறப்பட்டது.

ஏமாற்று வேலையிலும் கையெழுத்து மோசடியிலும் ஈடுபட்டிருப்பது நிரூபிக்கப்பட்டால் அவருக்கு ஒவ்வொரு குற்றச்சாட்டுக்கும் 10 ஆண்டு வரையிலான சிறைத்தண்டனையும் அபராதமும் விதிக்கப்படலாம்.   

உங்கள் கருத்து

Top