Images
  • 130917 collision boat
    (படம் : Brandon Tanoto)

சிங்கப்பூர்க் கடற்பகுதியில் கப்பல் விபத்து : இரண்டு சடலங்கள் மீட்பு

 சிங்கப்பூர்க் கடற்பகுதியில் இன்று காலை இந்தோனேசியக் கப்பலுடன், மணல் தோண்டும் மிதவைக் கப்பல் மோதிய சம்பவத்தில் காணாமற் போன ஐவரில் இருவரின் சடலங்கள் மீட்கப்பட்டுள்ளன.

சிங்கப்பூர்க் கடல்துறை, துறைமுக ஆணையம் அதனைத் தெரிவித்தது.


மற்ற மூவரைத் தேடி, மீட்கும் பணிகள் தொடர்கின்றன.


டொமினிக்கன் குடியரசில் பதிவு-செய்யப்பட்ட மணல் தோண்டும் மிதவைக் கப்பலில் 12 ஊழியர்கள் இருந்தனர்.

அவர்களில் 7 பேர் சிங்கப்பூர்ப் பொது மருத்துவமனைக்கு அனுப்பப்பட்டனர்.

சிகிச்சைக்குப் பிறகு 5 பேர் மருத்துவமனையிலிருந்து திரும்பினர்.

சம்பவம் குறித்து இந்தோனேசிய அதிகாரிகளுக்குத் தகவல் அளிக்கப்பட்டதாக ஆணையம் கூறியது.

இந்தோனேசியக் கடல் பகுதியில் மேற்கொள்ளப்படும் தேடல், மீட்புப் பணியில் 5 இந்தோனேசியக் கப்பல்களும் ஈடுபடுத்தப்பட்டுள்ளன. 

உங்கள் கருத்து

Top