900,000 வாகனங்களை மீட்டுக் கொள்ளும் Honda நிறுவனம்

வாஷிங்டன்: இரண்டாம் வரிசை இருக்கையில் எழும் கோளாறு காரணமாகச் சுமார் 900,000 ஓடிசி (Odyssey) வாகனங்களை மீட்டுக்கொள்கிறது ஜப்பானிய வாகனத் தயாரிப்பு நிறுவனமான Honda Motor.

இருக்கைகள் முறையாகத் தாழிடப்படவில்லையென்றால், அவை முன்னால் சாயும் அபாயம் நிலவக்கூடும்.   அதன் காரணமாக அந்த மீட்பு நடவடிக்கை மேற்கொள்ளப்பட்டது.

இருக்கை கோளாறு காரணமாகச் சிலருக்கு இலேசான காயங்கள் ஏற்பட்டதாக 46 புகார்களைப் பெற்றுள்ளது அந்நிறுவனம்.

வாடிக்கையாளர்கள் அந்த மீட்டுக்கொள்ளும் நடவடிக்கையின் பேரில் தங்களுடைய வாகனங்கள் பாதிக்கப்பட்டுள்ளதா என்பதைத் தெரிந்துகொள்ள இந்த இணையத்தளத்தை நாடலாம்: www.recalls.honda.com.