ஜப்பானில் 6.6 ரிக்டர் நிலநடுக்கம் - 13 பேர் காயம்
ஜப்பானின் தென்மேற்குப் பகுதியை உலுக்கிய 6.6 ரிக்டர் அளவிலான நிலநடுக்கத்தில் 13 பேர் காயமுற்றனர்.
அவர்களில் இருவர் 80 வயதுக்கும் மேற்பட்டவர்கள்.
கியூஷூ ( Kyushu) கரைக்கு அப்பால் இன்று அதிகாலையில் நிலநடுக்கம் ஏற்பட்டதாக ஜப்பானிய வானிலை ஆய்வகம் தெரிவித்தது.
சுனாமி எச்சரிக்கை எதுவும் விடுக்கப்படவில்லை.
ஒயிட்டா, மியாஸாக்கி (Oita, Miyazaki) மாநிலங்களிலும் அதிர்வுகள் ஏற்பட்டன.
நிலநடுக்கத்தால் கட்டடங்கள், நீர்க்குழாய்கள், சாலைகள் முதலியவையும் சேதமுற்றதாக NHK ஊடகம் குறிப்பிட்டது.