"மலேசியாவில் கோழி விலை நிலைப்பட்டுள்ளது"
மலேசியாவில் கோழி விநியோகமும் விலையும் நிலைப்பட்டுள்ளதாகப் பணவீக்கத்துக்கு எதிரான சிறப்புப் பணிக்குழுவின் தலைவர் அனுவார் மூசா தெரிவித்துள்ளார்.
அங்கு விற்கப்படும் பெரும்பாலான கோழிகளின் விலை, கிலோகிராமுக்கு 9 ரிங்கிட் 40 காசுக்கும் குறைவாக இருக்கிறது என்று அதிகாரிகள் நடத்திய சோதனையில் தெரியவந்தது.
கோழி விற்பனையாளர்கள் பலரும் 1 கிலோகிராம் கோழியை 9 ரிங்கிட்டைவிட மிகக் குறைவான விலையில் விற்பதாகத் திரு. அனுவார் கூறினார்.
சென்ற மாதத் தொடக்கத்தில் (1 ஜூன்) மலேசிய அரசாங்கம், சுமார் 3.6 மில்லியன் கோழிகளின் ஏற்றுமதிக்குத் தடை விதித்திருந்தது. விநியோக, விலை தொடர்பான சிக்கல்களுக்குத் தீர்வுகாண்பது அதன் நோக்கம்.