சீனா: சிச்சுவான் மாநிலத்தில் 6 ரிக்டர் அளவுள்ள நிலநடுக்கத்தில் 11 பேர் பலி

சீனாவில் தென்மேற்கிலுள்ள சிச்சுவான் மாநிலத்தில் நேர்ந்த நிலநடுக்கத்தில், குறைந்தது 11 பேர் மாண்டதோடு 122 பேர் காயமுற்றனர்.

6 ரிக்டர் அளவுள்ள நிலநடுக்கம், உள்ளூர் நேரப்படி நேற்றிரவு 11 மணியளவில் நேர்ந்தது. 16 கிலோமீட்டர் ஆழத்தில் அது மையங்கொண்டிருந்தது.

நிலநடுக்கம் நேர்ந்த சுமார் முக்கால் மணி நேரத்தில், குறைந்தது 4 முறை, நிலநடுக்கத்துக்குப் பிந்திய அதிர்வுகள் ஏற்பட்டன.

நிலநடுக்கம் மையம் கொண்டிருந்த இடத்துக்கு அருகிலிருந்த ஹோட்டல் ஒன்று இடிந்து விழுந்தது.

ஆனால், அதில் ஏற்பட்ட உயிருடற் சேதம்பற்றித் தகவல் இல்லை. அந்த வட்டாரத்திலுள்ள நெடுஞ்சாலைகள் சிலவற்றில் வெடிப்புகள் ஏற்பட்டுள்ளன.