மலேசியா: வசதி குறைந்தவர்களுக்கு அரிசி தானியக்க வங்கி இயந்திரம்
கோலாலாம்பூரின் கம்போங் டத்தோக் கிராமாட்டிலுள்ள (Kampung Datuk Keramat) அல்-அக்ராம் (Al-Akram) பள்ளிவாசல், வசதி குறைந்தவர்களுக்கு உதவ புதிய தானியக்க வங்கி இயந்திரத்தை அமைத்துள்ளது.
வாசிப்பு நேரம்: 1 நிமிடத்திற்குள்
மலேசியா: கோலாலாம்பூரின் கம்போங் டத்தோக் கிராமாட்டிலுள்ள (Kampung Datuk Keramat) அல்-அக்ராம் (Al-Akram) பள்ளிவாசல், வசதி குறைந்தவர்களுக்கு உதவ புதிய தானியக்க வங்கி இயந்திரத்தை அமைத்துள்ளது.
ஆனால், அந்த இயந்திரத்திலிருந்து பணம் பெற இயலாது. மாறாக, அதிலிருந்து அரிசியைப் பெற்றுக்கொள்ளலாம்.
வசதி குறைந்தவர்கள் ஓர் அட்டையைப் பயன்படுத்தி அந்த இயந்திரத்திலிருந்து 2 கிலோ அரிசியைப் பெற்றுக்கொள்ளலாம்.
மலேசியாவில் அமைக்கப்பட்டுள்ள அத்தகைய முதல் இயந்திரம் அது.
வசதி குறைந்தவர்களுக்கு நன்கொடை கொடுக்க விரும்புபவர்களும் அந்த இயந்திரத்தின் வழி அவ்வாறு செய்யலாம்.