Images
  • arrest cuff

மலேசியாவில் தொடர்புத் திறன் குறைபாடுள்ள பிள்ளையைத் துன்புறுத்திய சந்தேகத்தில் சிங்கப்பூர் ஆசிரியர்மீது குற்றச்சாட்டு

மலேசியாவில் தொடர்புத் திறன் குறைபாடுள்ள பிள்ளையைத் துன்புறுத்திய சந்தேகத்தில் சிங்கப்பூர் ஆசிரியர்மீது குற்றஞ்சாட்டப்பட்டுள்ளது.

சிங்கப்பூரரான 51 வயது ஷரிப்பா மஸ்லான் (Sharifah Mazlan) அம்பாங் வட்டாரத்தில் உள்ள தொடர்புத் திறன் குறைபாடுள்ள பிள்ளைகளுக்கான நிலையத்தில் வேலை செய்கிறார்.

அவர் 2 வாரத்திற்கு முன்பு (அக்டோபர் 1ஆம் தேதி) 6 வயதுப் பிள்ளையொன்றைத் துன்புறுத்தியதாகக் கூறப்படுகிறது.

பிள்ளையின் தலையில் காயம் இருந்ததால் பெற்றோர் காவல்துறையிடம் புகார் கொடுத்தனர்.

அதன்பிறகு அதிகாரிகள் சந்தேக நபரைக் கைதுசெய்தனர்.

இன்று நீதிமன்றத்தில் ஆசிரியர்மீது குற்றஞ்சாட்டப்பட்டபோது அவர் அந்தக் குற்றங்களை மறுத்தார்.

ஷரிப்பாவிற்குத் தொடர்புத் திறன் குறைபாடுள்ள 2 பிள்ளைகள் உள்ளனர்.

குற்றம் நிரூபிக்கப்பட்டால் அவருக்கு 16,300 வெள்ளி அபராதம், 20 ஆண்டுகள் வரையிலான சிறைத் தண்டனை அல்லது இரண்டும் விதிக்கப்படலாம்.

ஷரிப்பா தமது விசா காலம் முடிந்தபிறகும் மலேசியாவில் சட்டவிரோதமாகத் தங்கியிருந்ததாகவும் குற்றஞ்சாட்டப்பட்டது.
  

Top