Images
  • cristiano ronaldo
    (படம்: REUTERS/Gonzalo Fuentes)

'தண்ணீர் குடிங்க பாஸ்' - சோடா பானத்தை ஒதுக்கிய காற்பந்து நட்சத்திரம்; சரிந்தது Coca-Cola பங்கு விலை

போர்ச்சுகலின் பிரபலக் காற்பந்து நட்சத்திரம் கிறிஸ்டியானோ ரொனால்டோ (Cristiano Ronaldo), யூரோ 2020 ஊடகச் சந்திப்பின்போது 2 Coca-Cola போத்தல்களை ஒதுக்கி வைத்ததை அடுத்து, அந்த நிறுவனத்தின் பங்கு விலை சரிந்ததாகத் தெரிவிக்கப்பட்டுள்ளது.

நேற்று முன்தினம் (ஜூன் 14), ஹங்கேரியுடனான (Hungary) யூரோ காற்பந்து ஆட்டத்திற்கு முன், 36 வயது ரொனால்டோ ஊடகச் சந்திப்பில் கலந்துகொண்டார்.

அப்போது, தம் அருகில் இருந்த Coca-Cola போத்தல்களை அவர் ஒதுக்கி வைத்துவிட்டு, தண்ணீர் போத்தலைத் தூக்கிக் காட்டினார்.

போர்த்துக்கீசிய மொழியில் ஆகுவா அதாவது தண்ணீர் என்று அவர் முழக்கமிட்டார்.

தண்ணீரைத் தேர்ந்தெடுக்குமாறு அவர் ஊக்குவிப்பது போல் அது அமைந்திருந்தது.

அதை அடுத்து, Coca-Cola நிறுவனத்தின் பங்கு விலை உடனடியாக 1.6 விழுக்காடு சரிந்ததாக The Guardian செய்தி நிறுவனம் கூறியது.

அதன் சந்தை மதிப்பு 4 பில்லியன் டாலர் குறைந்து, 238 பில்லியன் டாலரானது.

ரொனால்டோவின் செயல் பற்றிக் கருத்துரைத்த Coca-Cola, எல்லாருக்கும் தனிப்பட்ட விருப்பங்கள் இருக்கும் என்று சொன்னதாக The Guardian குறிப்பிட்டது.

Top