தீபாவளியன்று ஆடைக்கேற்ற முகக்கவசம் அணிந்து அசத்துவது எப்படி?

தீபாவளி வந்துவிட்டது! அதற்கான புத்தாடைகளைச் சிலர் வாங்கிவிட்டனர்...சிலர் வாங்கிக் கொண்டிருக்கின்றனர்.

ஆடைகளைப் பார்த்து பார்த்து வாங்குகிறோம்.

அழகான ஆடைகளுடன், ஒருமுறை மட்டும் பயன்படுத்தும் சாதாரண முகக்கவசங்களை அணியலாமா?

பொருத்தமான முகக் கவசங்களைத் தெரிவு செய்ய சில குறிப்புகளைத் தருகிறது /MA:SK/ நிறுவனம். அவை உங்களுக்கு உதவலாம்:

• நிறம்!
  

வண்ணமயமான இந்திய ஆடைகளுக்கேற்ப முகக்கவசத்தில் மிக முக்கியமானது நிறம்.

உதாரணம்: ஊதா நிற ஆடைக்கு ஊதா நிற முகக்கவசம்.

• அலங்கார அம்சங்கள்
  

படம்: /MA:SK/

இந்திய ஆடைகளில் மின்னும் கண்ணாடி, மினுக்கும் ஜிகினா, ஜொலிக்கும் தங்க நிற நூல் போன்றவை முக்கிய அலங்கார அம்சங்களாக இருக்கலாம். அவற்றுக்கேற்ப, அப்படிப்பட்ட அலங்காரம் கொண்ட முகக்கவசங்களைத் தேர்ந்தெடுக்கலாம்.

• அதிக விலை கொடுத்து முகக்கவசம் வாங்கமுடியாதவர்களுக்கு...
  

படம்: /MA:SK/

இருக்கவே இருக்கிறது... முகக்கவசங்களுக்கான சங்கிலி! முகக்கவசத்துடன் சேர்த்து இணைக்கக்கூடிய மலிவான சங்கிலியைப் பயன்படுத்தி எளிமையான முகக்கவசங்களை எழில்மிக்கவையாக மாற்றியமைக்கலாம்!

• பொருத்தம்
  

படம்: /MA:SK/

நிறைய அச்சு வடிவமைப்புகள் கொண்ட இந்திய ஆடைகளுடன் அதிக வடிவங்கள் கொண்ட முகக்கவசம் அணிந்தால் பார்ப்போர் எதைக் கவனிக்கவேண்டும் என்பதில் குழப்பமடைவர்...எனவே பொருத்தமான முகக் கவசம் மற்றவர்கள் உங்களைக் கவனிக்க வைக்கும்.

• துணி
  

படம்: AFP

உங்களுக்கு வசதியாக இருப்பவற்றை அணிந்தால் நீங்கள் கண்ணுக்கு அழகாய்த் தெரிவீர்கள். அதனால் நிறம், வடிவம் போன்றவற்றுடன், உங்கள் சருமத்துக்கு ஏற்ற துணிகளில் தைக்கப்பட்ட முகக்கவசங்களைப் பயன்படுத்தலாம்.