குழந்தைகளுடன் கேளிக்கைப் பூங்கா செல்கிறீர்களா?

விடுமுறை தினங்களில் கேளிக்கைப் பூங்காவிற்குச் செல்லவேண்டும் என்பது குழந்தைகளின் தீரா ஆசை. அதை எப்படி மறக்கமுடியாத நிகழ்வாக மாற்றுவது?

திட்டமிட்டு சீட்டு வாங்க வேண்டும்:
விடுமுறைக் காலங்களில் கூட்டம் அதிகம் இருப்பதால் முன்கூட்டியே திட்டமிட்டு சீட்டு வாங்குவது நல்லது, இதனால் பல சலுகைகளும் கிடைக்கும்.

ஆண்டு அனுமதி நுழைவுசீட்டு வாங்கலாம்:
சிலநேரம் மோசமான வானிலை, உடல் நலக்குறைவு, அதிகக் கூட்டம் போன்றவற்றால் பல சவாரிக்குப் போகமுடியாமல் போகலாம். இதனால் ஆண்டுச் சீட்டுகளாக வாங்குவது நல்லது.

சரியான நாளைத் தேர்ந்தெடுங்கள்:
வாரயிறுதி மற்றும் பொதுவிடுமுறை நாட்களைத் தவிர்த்தால், எல்லா சவாரிகளுக்கும் செல்லும் வாய்ப்புக் கிடைக்கும், கூட்ட நெரிசலில் சிக்கிச் சிரமப்படத் தேவையில்லை. விரைவுச் சீட்டு வாங்குவதும் நல்லது.

எங்கு நேரத்தைச் செலவிடவேண்டும்:
குழந்தைகளுக்குப் பிடித்த சவாரிகளையும், எந்த இடத்தில எந்த நிகழ்ச்சி நடக்கிறது என்பதையும் முன்கூட்டியே தெளிவாக தெரிந்து கொள்ளவேண்டும்.

தேவையைத் தேர்ந்தெடுங்கள் :
வானிலையைப் பொறுத்து சிறுவர்களுக்கான உடையைத் தேர்தெடுங்கள், முடிந்தால் சருமக் களிம்புகளை எடுத்துச்செல்லாம். 

கவனம் முக்கியம்:
கூட்ட நெரிசல்களில் குழந்தைகள் வழிதவறிப் போவது சுலபம், இதனால் அவர்களுக்கு தகுந்த அறிவுறுத்தல்கள் தருவது முக்கியம்.

தொடர்பு கொள்ள வசதி: கைத்தொலைபேசி எண், வீட்டு முகவரி போன்றவற்றைக் கற்பிக்க வேண்டும்.

உணவு, கழிப்பறை, நீர்:
குழந்தைகள் அதிகநேரம் விளையாடும்போது அவர்களுக்குத் தேவையான உணவும், நீரும் உடன் எடுத்துச் செல்வது முக்கியம். கழிப்பறைக்குச் செல்லும் பாதையைத் தெரிந்துவைத்துக் கொள்வதும் நல்லது.

இதனுடன் குழந்தைகளுடன் குழந்தையாகவே மாறி புகைப்படங்கள் எடுத்துக்கொள்வது என்றும் அழியா நினைவுகளே.