திறன்பேசியில் நீங்கள் எதைப் பதிவுசெய்யக் கூடாது...
திறன்பேசிகளில் கட்டணம் செலுத்தலாம்; பொருள்கள் வாங்கலாம்; முக்கிய நாட்களை மறக்காமல் நினைவில் வைத்துக்கொள்ளலாம்... அவற்றையெல்லாம் திறன்பேசியில் பதிவுசெய்தால் போதும்...
திறன்பேசிகளைத் தினந்தோறும் நாம் பயன்படுத்துகிறோம்.
திறன்பேசிகளில் கட்டணம் செலுத்தலாம்; பொருள்கள் வாங்கலாம்; முக்கிய நாட்களை மறக்காமல் நினைவில் வைத்துக்கொள்ளலாம்... அவற்றையெல்லாம் திறன்பேசியில் பதிவுசெய்தால் போதும்...
கேட்பதற்கு மிக வசதியாகத் தெரிகிறது இல்லையா? அது தவறான சிந்தனை - வசதியை அளிக்கும் திறன்பேசி, ஆபத்தையும் அளிக்கும்.
எவற்றைத் திறன்பேசியில் பதிவுசெய்யக்கூடாது? ஏன்?
- கடவுச்சொல் (Password)
நம்மில் பலரும் இணையத்தளங்களின் கடவுச்சொல்லைத் திறன்பேசியில் சேமிப்பதுண்டு. இணையத்தளங்களில் ஒரு பொத்தானை 'கிளிக்' செய்தால் போதும். கடவுச்சொல் தோன்றும்; அதைக்கொண்டு நுழையலாம்.
மேகக்கணிமை அமைப்பில் கடவுச்சொல் சேமிக்கப்பட்டால் அது மற்ற சாதனங்களையும் சென்றடையலாம். கடவுச்சொல் வெளியாகலாம்.
- விரல் ரேகை
விரல் ரேகை கொண்டு உங்கள் திறன்பேசியைத் திறக்க அனுமதித்தால் மற்றவர்களோ திருடர்களோ உங்களைக் கட்டாயப்படுத்தி உங்கள் விரல்கொண்டு உங்கள் திறன்பேசியைத் திறந்துவிடலாம்.
- தனிப்பட்ட படங்கள் / காணொளிகள்
யாரும் பார்க்கக்கூடாத உங்கள் தனிப்பட்ட படங்கள், காணொளிகள் போன்றவற்றை உங்கள் திறன்பேசியில் சேமித்துவைத்தால் அது மேகக்கணிமை அமைப்பில் பதிவாகிவிடும். அந்த அமைப்புடன் இணைந்திருக்கும் பிறர் அவற்றைக் காணலாம்.
- கடன் அட்டை / கடப்பிதழ் (passport) / அடையாள அட்டை போன்றவற்றின் படங்கள்
மேகக்கணிமை அமைப்பைச் சென்றுசேரும் எந்தப் படமும் பாதுகாப்பாக இருக்காது. தனிப்பட்ட தரவுகளைக் கொண்ட படங்களை அவ்வாறு திறன்பேசியில் சேமிக்கவேண்டாம். அடையாளத் திருட்டு, பணத்திருட்டு போன்றவற்றுக்கு நீங்கள் ஆளாகும் வாய்ப்பைத் தவிர்க்கவேண்டும்.
- வேலையிடத் திறன்பேசியில் தனிப்பட்டவற்றைப் பதிவுசெய்யக்கூடாது
நீங்கள் பயன்படுத்தும் திறன்பேசி உங்கள் வேலையிடத் திறன்பேசியாக இருந்தால், அதனைக் கவனத்துடன் பயன்படுத்தவேண்டும்.
அதற்குள் எந்த நேரத்திலும் நுழைந்து அதில் இருப்பவற்றைப் பார்க்கும் அனுமதியை உங்கள் முதலாளி பெற்றிருக்கலாம்.