மரீனா பே சேண்ட்சில் நடைக்கேற்ப நடனமாடும் ஒளியமைப்பு
மரீனா பே சேண்ட்சில் கண்கவர் விளக்குக் கண்காட்சி அம்சம் ஒன்று நிரந்தரமாகச் சேர்க்கப்படும். Digital Light Canvas என்பது அந்த ஒளிச் சிற்பத்தின் பெயர்.
சிங்கப்பூர்: மரீனா பே சேண்ட்சில் கண்கவர் விளக்குக் கண்காட்சி அம்சம் இன்று நிரந்தரமாகச் சேர்க்கப்படவிருக்கிறது. Digital Light Canvas என்பது அந்த ஒளிச் சிற்பத்தின் பெயர்.
400ஆயிரத்துக்கும் அதிகமான LED விளக்குகளைக் கொண்டு 14 மீட்டர் உயர ஒளி அமைப்பு உருவாக்கப்பட்டுள்ளது.
தரையிலிருந்து 6 மீட்டர் உயரத்தில் அது தொங்கவிடப்பட்டுள்ளது.
கீழே 15 சென்டிமீட்டர் விட்டம் கொண்ட LED விளக்குகளாலான தரை.
teamLab என்ற ஜப்பானியக் கலை அமைப்பின் கைவண்ணம் அது.
தரையில் நடந்துசெல்வோர் எடுத்துவைக்கும் அடிகளுக்கு ஏற்ப விளக்கின் நிறங்கள் மாறுகின்றன.
5 வெள்ளி கட்டணம் செலுத்தினால் நீங்களும் திறன் காட்டலாம்.
ஞாயிற்றுக்கிழமை முதல் வியாழக்கிழமை வரை நண்பகல் மணி 12 இலிருந்து இரவு மணி 8 வரை அனுமதி உண்டு.
வெள்ளிக்கிழமை, சனிக்கிழமை, பொது விடுமுறைக்கு முந்தைய நாட்கள் ஆகியவற்றில், நண்பகல் மணி 12 முதல் இரவு மணி 9 வரை அது திறந்திருக்கும்.