சொகுசுக் கப்பல் முனையத்தில் 80 வயது ஆடவரிடம் தீர்வை செலுத்தப்படாத சிகரெட்டுகள் பறிமுதல்

சிங்கப்பூர் சொகுசுக் கப்பல் முனையத்தில் 80 வயது ஆடவரிடமிருந்து தீர்வை செலுத்தப்படாத சிகரெட்டுகளை அதிகாரிகள் பறிமுதல் செய்துள்ளனர்.

அந்த ஆடவர் சிங்கப்பூர்ச் சுங்கத்துறையிடம் ஒப்படைக்கப்பட்டுள்ளார். கடந்த ஞாயிற்றுக்கிழமை (பிப்ரவரி 10) சம்பவம் நிகழ்ந்தது.

சோதனைகளின் போது ஆடவரின் இரண்டு பைகளில் வழக்கத்திற்கு மாறான பொருள்கள் இருப்பதை அதிகாரிகள் கண்டறிந்தனர்.

மூன்று பெட்டி சிகரெட்டுகள், 34 பொட்டலங்கள் ஆகியவற்றுடன் 21 தனி சிகரெட்டுகளையும் அவர்கள் கைப்பற்றினர்.

குடிநுழைவு, சோதனைச் சாவடிகள் ஆணையம் தனது Facebook பதிவில் அதனைத் தெரிவித்தது.