அமைச்சரவை மாற்றம், வழக்கத்தைவிட விரிவானது - பிரதமர் லீ
இம்முறை இடம்பெற்ற அமைச்சரவை மாற்றம், வழக்கத்தைவிட விரிவானது என்று பிரதமர் லீ சியென் லூங் கூறியிருக்கிறார்.
இம்முறை இடம்பெற்ற அமைச்சரவை மாற்றம், வழக்கத்தைவிட விரிவானது என்று பிரதமர் லீ சியென் லூங் கூறியிருக்கிறார்.
பிரதமர் தமது ஃபேஸ்புக் பக்கத்தில் அவ்வாறு கூறினார்.
இளைய அமைச்சர்களின் பொறுப்புகளை மேலும் விரிவாக்கத் தாம் முடிவெடுத்ததாய்த் திரு. லீ தெரிவித்தார்.
அவர்களில் பெரும்பாலோருக்கு 2 அமைச்சுகளும், கூடுதல் பொறுப்புகளும் வழங்க முடிவு செய்ததாக அவர் கூறினார்.
சிங்கப்பூரை நிர்வகிக்க, இளைய அமைச்சர்கள் தொடர்ந்து கூடுதல் பொறுப்புகளை ஏற்பர் என்றார் திரு.லீ.
அமைச்சரவை மாற்றம் நடப்புக்கு வந்தபிறகு, மூன்றில்-இரண்டு பங்கு அமைச்சுகளின் தலைமைப் பொறுப்பில் இளைய அமைச்சர்கள் இருப்பர்.
அடுத்த சில ஆண்டில் தலைமைத்துவ மாற்றம் ஏற்படுவதற்கான நடவடிக்கைகள் மேற்கொள்ளப்படுவதாகப் பிரதமர் குறிப்பிட்டார்.