Images
  • cold weather 1
    (படங்கள்: அபிடா பேகம்)

"ஸ்ஸ்ஸ்ஸ்" குளிர்கிறதா? என்ன செய்யலாம்?

உலகின் பல நாடுகளில் வெப்பநிலை உறைநிலைக்குக் கீழ் சென்று, கடுமையான குளிர் வாட்டி எடுக்கிறது.

இன்று சிங்கப்பூரில் பல இடங்களில் தட்பநிலை 23 டிகிரி செல்சியஸுக்குக் கீழ் சென்றுள்ளது. 

சிங்கப்பூரைப் பொறுத்தவரை இதுவே அதிகக் குளிராய் இருப்பதாகப் பலரும் கூறுகின்றனர்.

அடுத்த சில நாட்கள் இதே நிலை நீடிக்கும் என்று தேசிய சுற்றுப்புற அமைப்பு தெரிவித்துள்ளது.


இந்நிலையில், உங்களை இதமாக வைத்துக்கொள்ள இதோ சில குறிப்புகள்:

  • சூடான பானங்கள்: குளிர் பானங்களைத் தவிர்த்து, சூடான பானங்களை அருந்துங்கள். அது உங்கள் உடல் வெப்பநிலையை சற்றே உயர்த்த உதவும்.
  • கனமான மேலாடைகள்: குளிர் உங்கள் உடலை அதிகம் பாதிப்பதற்கு முன்னரே மேலாடைகளை அணிந்துவிடுங்கள். அது நடுக்கம் ஏற்படும் நிலையைத் தவிர்க்க உதவும்.
  • காதுகள், கழுத்துப் பகுதியை மூடி வைத்துக்கொள்ளுங்கள்: கழுத்து, காதுப் பகுதிகளை மூடினால், உடலின் வெப்பநிலை அதிகரிக்கும். அதனால் இதமாக உணர்வீர்கள்.
  • சரும வறட்சியைப் போக்கும் களிம்பை (Moisturising Cream) விரல் இடுக்குகளில் தடவுங்கள்: கை, கால் விரல் இடுக்குகளில், அத்தகைய களிம்பைத் தடவினால், சற்று கதகதப்பாக உணர்வீர்கள்.
  • காலார அடிக்கடி நடந்துசெல்லுங்கள்: ஒரே இடத்தில் உட்கார்ந்திருக்காமல், அடிக்கடி சற்று காலார நடந்து செல்லுங்கள். அது உடலைச் சற்று இதமாக்கும்.


 

உங்கள் கருத்து

Top