தரைவழிப் பயண ஏற்பாடு - மலேசியாவிலிருந்து சிங்கப்பூர் வந்தவுடன் பயணிகளுக்கு ART பரிசோதனை கட்டாயம்

சிறப்புப் பயண ஏற்பாட்டின்கீழ் தரைவழி மலேசியாவிலிருந்து சிங்கப்பூர் வருவோர் இங்கு வந்ததும் ART பரிசோதனை செய்துகொள்ள வேண்டியது கட்டாயம் என்று வர்த்தக, தொழில் அமைச்சு அறிவித்துள்ளது.

COVID-19 புதிய வகைக் கிருமி கண்டறியப்பட்டுள்ளதாகத் தகவல் வெளியாகியிருப்பதால் அத்தகைய நடைமுறை அவசியம் என்று அமைச்சு சொன்னது.

சிங்கப்பூர் - மலேசியா இடையிலான சிறப்புப் பயண ஏற்பாடு நாளை (29 நவம்பர்) தொடங்குகிறது.

காலை 8 மணியிலிருந்து ART பரிசோதனை நடைமுறை தொடங்கும்.

உட்லண்ட்ஸ் தற்காலிகப் பேருந்து முனையத்திலும் குவீன் ஸ்ட்ரீட் (Queen Street) பேருந்து முனையத்திலும் பயணிகளுக்கு ART பரிசோதனை நடத்தப்படும்.

அதற்காகப் பயணிகள் ART சோதனை நிலையங்களில் மின்னியல் முறையில் கட்டணம் செலுத்த வேண்டும்.