Images
  • FF
    படம் :  Facebook/SG Traffic United

ஜூரோங் ஈஸ்ட், சுவா சூ காங் வட்டாரங்களில் திடீர் வெள்ளம்

சிங்கப்பூரின் மேற்குப் பகுதிகளில் இன்று திடீர் வெள்ளம் ஏற்பட்டதாக பொதுப் பயனீட்டுக் கழகம் தெரிவித்துள்ளது.

ஜூரோங் ஈஸ்ட் ஸ்ட்ரீட் 32, சுவா சூ காங் அவென்யூ 1 ஆகிய இடங்கள், பிற்பகல் மூன்றரை மணியளவில் திடீர் வெள்ளத்தால் பாதிக்கப்பட்டதாகக் கழகம் தனது Facebook-இல் குறிப்பிட்டது.

இரண்டு இடங்களிலும் சுமார் 20 நிமிடங்களுக்குப் போக்குவரத்து தடைபட்டது.

பிற்பகல் மூன்றே முக்கால் மணியளவில் வெள்ளம் தணிந்தது.

சிங்கப்பூரின் மேற்குப் பகுதியில், ஒரு மணிநேரத்தில் ஆக அதிகமாக 93 மில்லிமீட்டர் அளவுள்ள மழை பதிவானது.
 

Top