2020இன் வரவு செலவுத் திட்டம் வழக்கமான ஒன்றாக இருக்காது: பிரதமர் அலுவலக அமைச்சர் இந்திராணி ராஜா

அடுத்த ஆண்டுக்கான வரவு செலவுத் திட்டம் தற்போதைய தேவைகளைப் பூர்த்தி செய்யும் அதேவேளை, வருங்காலத்திற்குச் சிங்கப்பூரை ஆயத்தப்படுத்தும் வகையிலும் அமைந்திருக்கும் என்று பிரதமர் அலுவலக அமைச்சர் இந்திராணி ராஜா கூறியிருக்கிறார்.

அடுத்த ஆண்டின் வரவு செலவுத் திட்டம் வழக்கமான ஒன்றாக இருக்காது என்றார் அவர்.

உலகப் பொருளியல் சூழல், அமெரிக்க - சீன வர்த்தகப் பதற்றம் ஆகியவற்றை அது கருத்தில் எடுத்துக் கொள்ளும்.

சிங்கப்பூர் அதன் பொருளியல் அடித்தளத்தை இன்னும் வலுப்படுத்த வேண்டும் என்று குமாரி இந்திராணி ராஜா குறிப்பிட்டார்.

அமெரிக்க - சீன வர்த்தகப் பதற்றம் - ஏற்றுமதி, உற்பத்தி ஆகியவற்றில் தாக்கத்தை ஏற்படுத்தியுள்ள போதும், சிங்கப்பூர் ஓரளவு நல்ல நிலையிலேயே உள்ளது என்றார் அவர்.