Images
  • mount afber
    (படம்: முத்தழகு மெய்யப்பன்)

மவுண்ட் ஃபேபர் (Mount Faber) கம்பிவட நிலையச் சுவரொட்டியில் இந்தி

மவுண்ட் ஃபேபர் (Mount Faber) கம்பிவட நிலையத்தின் சுவரொட்டி ஒன்றில் தமிழ் மொழிக்குப் பதிலாக இந்தி மொழியில் நிலையத்தின் பெயர் இடம்பெற்றுள்ளது.

அதில் மாண்டரின், ஆங்கிலம், இந்தி மொழிகள் இடம்பெற்றிருந்தன.

ஆனால் சிங்கப்பூரின் 4 அதிகாரத்துவ மொழிகளில் ஒன்றான தமிழ் இடம்பெறவில்லை.

மொழி ஆய்வாளர் திரு. முத்தழகு மெய்யப்பன், படத்தை 'செய்தி'இடம் அனுப்பி வைத்தார்.

சுமார் 4 நாள்களுக்கு முன் WhatsApp வழியாகச் சிலர் கம்பிவட நிலையப் படங்களை அனுப்பி வைத்ததாக அவர் கூறினார்.

நேரடியாகச் சென்று பார்த்ததில் சுவரொட்டியில் இந்தி மொழி இடம்பெற்றிருப்பதைப் பார்த்தார்.

கம்பிவட நிலைய நிர்வாகத்திடம் சம்பவத்தைப் பற்றிப் புகார் செய்துள்ளதாகக் கூறியுள்ளார் அவர்.

அதுகுறித்து, மவுண்ட் ஃபேபர் கம்பிவட நிலையத்தைத் தொடர்புகொண்டது "செய்தி".

அதற்கு பதிலளித்த நிலையம், தனது முக்கியச் சந்தைகளைச் சேர்ந்த வாடிக்கையாளர்களுக்கு உதவும் வகையில் வழிகாட்டி அறிவிப்புப் பலகைகள் ஆங்கிலம், மாண்டரின், இந்தி மொழிகளில் இடம்பெற்றுள்ளதாக 'செய்தி'யிடம் தெரிவித்தது.

சிங்கப்பூரின் நான்கு அதிகாரத்துவ மொழிகளில் ஒன்றுக்கு பதிலாக இந்தி மொழி பயன்படுத்தப்படவில்லை என்பதை அது விளக்கியது.

நிலையத்தின் எதிர்வரும் 45ஆம் ஆண்டு நிறைவையொட்டி நடக்கவிருக்கும் புதுப்பிப்புப் பணிகளின்போது நான்கு அதிகாரத்துவ மொழிகளிலும் வழிகாட்டி அறிவிப்புப் பலகைகள் இடம்பெறும் என்று கம்பிவட நிலையம் குறிப்பிட்டது. 

Top