ஆய்வுக்காக ஐரோப்பாவிற்கு அனுப்பப்படும் எத்தியோப்பிய ஏர்லைன்ஸ் விமானத்தின் தகவல் பதிவுப் பெட்டிகள்

(வாசிப்பு நேரம்: 1 நிமிடங்களுக்குள்)

ஞாயிற்றுக்கிழமை எத்தியோப்பியாவில் விழுந்து நொறுங்கிய எத்தியோப்பியன் ஏர்லைன்ஸ் விமானத்தின் தகவல், குரல் பதிவு பெட்டிகள் ஐரோப்பாவிற்கு அனுப்பப்படவுள்ளன.

ஆய்வுகளுக்காக அவை ஐரோப்பாவிற்கு அனுப்பப்பட்டாலும் அவை குறிப்பாக எந்த நாட்டுக்குப் போய்ச் சேரும் என்பது குறிப்பிடப்படவில்லை.

பதிவுப் பெட்டிகளை ஆராய்வதற்கு எத்தியோப்பியாவில் சாதனங்கள் இல்லை என்று விமான நிறுவனத்தின் பேராளர் கூறினார்.

எத்தியோப்பியாவின் தலைநகர் அடிஸ் அபாபாவிலிருந்து கென்யா தலைநகர் நைரோபிக்குச் சென்றுகொண்டிருந்த விமானம் விபத்துக்குள்ளானதில் அதிலிருந்த 157 பேரும் மாண்டனர்.