அமெரிக்கா: டெக்சஸ் மாநிலத்தில் துப்பாக்கிச் சூடு - 7 பேர் காயம்

அமெரிக்காவின் டெக்சஸ் மாநிலத்தில் ஆடவர் ஒருவர் துப்பாக்கிச் சூடு நடத்தியதில் 7 பேர் காயமடைந்துள்ளனர்.

சம்பவம் ஹூஸ்டன் நகரச் சந்தையில் நடந்தது.

சம்பவத்தில் யாருக்கும் கடுமையான காயங்கள் ஏற்படவில்லை என்று காவல்துறையினர் கூறியுள்ளனர்.

காயமடைந்தோர் மருத்துவமனைக்குக் கொண்டுசெல்லபட்டுள்ளனர்.

சம்பவத்தில் தொடர்புடைய சந்தேகத்தின் பேரில், ஆடவர் ஒருவர் தடுத்துவைக்கப்பட்டுள்ளதாகக் காவல்துறையினர் கூறினர்.