ஜெர்மன் விலங்குத் தோட்டத்திலிருந்து 2 சிங்கம், 2 புலி, ஒரு சிறுத்தை தப்பியோட்டம்

சூறாவளியாலும், வெள்ளத்தாலும் ஜெர்மன் விலங்குத் தோட்டத்தின் சுவர்களும், வேலிகளும் உடைந்தன.

சுவர்கள் உடைந்ததால் விலங்குத் தோட்டத்திலிருந்து 2 சிங்கம், 2 புலி, ஒரு சிறுத்தை இன்று தப்பியோடின.

விலங்குத் தோட்டத்திற்கு அருகே வசிக்கும் மக்களை வீடுகளைவிட்டு வெளியே வர வேண்டாம் என ஜெர்மனியக் காவல்துறை கேட்டுக்கொண்டது.

விலங்குகளைக் கண்டால் காவல்துறையிடம் தெரிவிக்கும்படி அது அறிவுறுத்தியது.

ஒரு கரடி சுட்டுக் கொல்லப்பட்டதாகவும் அதிகாரி ஒருவர் தெரிவித்தார்.