கடந்த பத்தாண்டுடன் ஒப்பிடுகையில் விரைவாக மூப்படையும் மக்கள்தொகை
சிங்கப்பூரில் மக்கள்தொகை கடந்த பத்தாண்டுடன் ஒப்பிடுகையில் மேலும் விரைவாக மூப்படைகிறது.
பிரதமர் அலுவலகத்தின் தேசிய மக்கள் தொகை, திறனாளர்ப் பிரிவு இன்று (29 செப்டம்பர்) விவரங்களை வெளியிட்டது.
கடந்த ஓராண்டில் மூத்தோர் எண்ணிக்கை அதிகரித்துள்ளது.
64 வயதுக்கு மேற்பட்டோர்
- ஜூன் 2021 - 17.6%
- ஜூன் 2022 - 18.4%
2012-ஆம் ஆண்டில் அந்த விகிதம் 11.1 விழுக்காடு.
79 வயதுக்கு மேற்பட்டோரின் எண்ணிக்கையும் கடந்த பத்தாண்டில் 70 விழுக்காட்டுக்கும் அதிகமாகக் கூடியுள்ளது.
இந்நிலையில், 2030-ஆம் ஆண்டுக்குள் குடிமக்களில் சுமார் 24 விழுக்காட்டினர் 64 வயதுக்கும் மேற்பட்டவர்களாக இருப்பார்கள் என்று எதிர்பார்க்கப்படுகிறது.