"மிகப் பழைமையான இந்திய சைவ உணவகம்" - சிங்கப்பூர்ச் சாதனைப் புத்தகத்தில் இடம்பிடித்த ஆனந்தபவன்

ஆனந்தபவன் உணவகம் 'சிங்கப்பூரிலுள்ள மிகப் பழைமையான இந்திய சைவ உணவகம்' என்ற அங்கீகாரத்தைப் பெற்றுள்ளது.

சிங்கப்பூர்ச் சாதனைப் புத்தகம் அந்த அங்கீகாரத்தை வழங்கியது.

தொழில்நுட்ப மாற்றங்களுக்கு இடையில் ஆரோக்கியமான சைவ உணவை அதன் பாரம்பரியம் மாறாமல் கொடுத்துவரும் ஆனந்தபவன் உணவகத்துக்கு இந்த விருதை வழங்குவதில் பெருமையடைவதாகச் சிங்கப்பூர்ச் சாதனைப் புத்தகத்தின் தலைவர் ஓங் எங் ஹுவாட் (Ong Eng Huat) சொன்னார்.
 

உணவகத்தின் 100 ஆண்டு நிறைவைக் கொண்டாடும் வகையில் இன்று நடைபெற்ற விருந்து நிகழ்ச்சியில் விருது வழங்கப்பட்டது.

விருந்து உபசரிப்பில் அதிபர் தர்மன் சண்முகரத்னமும் அவரது மனைவியும் கலந்துகொண்டு சிறப்பித்தனர்.

உணவகத்தைத் தற்போது 3ஆம் தலைமுறையினர் வழிநடத்துகின்றனர்.