மருத்துவமனைகளில் சேர்க்கப்படும் COVID-19 நோயாளிகளின் எண்ணிக்கை அதிகரித்துள்ளது: சுகாதார அமைச்சர்
சிங்கப்பூரில் மருத்துவமனைகளில் சேர்க்கப்படும் COVID-19 நோயாளிகளின் எண்ணிக்கை அதிகரித்திருப்பதாகச் சுகாதார அமைச்சர் ஓங் யீ காங் கூறியுள்ளார்.
அதன் காரணமாக மருத்துவமனைகள் COVID-19 அல்லாத சிகிச்சைகளைக் குறைத்துக்கொண்டிருப்பதாகத் தெரிவிக்கப்பட்டுள்ளது.
நோய்த்தொற்று ஏற்பட்டோரில் சுமார் 700 பேர் மருத்துவமனைகளில் சேர்க்கப்பட்டதாகத் திரு ஓங் சொன்னார்.
எண்ணிக்கை அதிகரித்திருக்கிறது என்றாலும், கிருமிப்பரவல் சூழலின் உச்சக்கட்டத்தில் மருத்துவமனைகளில் சேர்க்கப்பட்ட 1,700 பேரைவிட அது குறைவு என்று அமைச்சர் சுட்டினார்.