ஊட்ரம் ரோட்டில் விபத்து - தனியார் பேருந்து ஓட்டுநர் மரணம்

ஊட்ரம் ரோட்டில் நேற்று (12 மார்ச்) தனியார் பேருந்தும் லாரியும் மோதிக்கொண்டதில் 62 வயது பேருந்து ஓட்டுநர் மாண்டார்.

சம்பவம் குறித்து நேற்றுக் காலை சுமார் 11.20 மணிக்குத் தகவல் கிடைத்ததாகச் சிங்கப்பூர்க் காவல்துறை 8 World செய்தித்தளத்திடம் தெரிவித்தது.

விபத்து கெண்டொன்மண்ட் ரோட்டை (Cantonment Road) நோக்கிச்செல்லும் வழியில் நடந்ததாகத் தெரிவிக்கப்பட்டது.

விபத்தில் சிக்கிய தனியார் பேருந்து ஓட்டுநரும் 47 வயது பயணியும் செங்காங் பொது மருத்துவமனைக்கு அழைத்துச் செல்லப்பட்டதாக 8 World செய்தித்தளம் குறிப்பிட்டது.

பின்னர் பேருந்து ஓட்டுநர் மாண்டது உறுதிசெய்யப்பட்டது.

காவல்துறையின் விசாரணை தொடர்கிறது.