பொதுத்தேர்தல் 2025: ஏப்ரல் 23இல் என்ன நடக்கும்?

சிங்கப்பூரில் வேட்புமனுத்தாக்கல் ஏப்ரல் 23ஆம் தேதி (புதன்கிழமை) நடைபெறும்.

வேட்புமனுத் தாக்கல் தினம் தொடர்பான விதிமுறைகளும் நடைமுறைகளும் என்ன?

உத்தேச வேட்பாளர் ஒருவர் செய்யவேண்டியது என்ன?

🗳️ வேட்புமனுத் தாக்கல் செய்வதற்கான ஆவணங்களைக் காலை 11 மணியிலிருந்து நண்பகல் 12 மணிக்குள் வேட்புமனுத் தாக்கல் நிலையத்தில் தேர்தல் அதிகாரியிடம் நேரில் சென்று கொடுக்கவேண்டும்.

🗳️ முழுமையாகப் பூர்த்தி செய்யப்பட்ட வேட்புமனுத் தாக்கல் படிவத்துடன் அரசியல் நன்கொடைச் சான்றிதழையும் சமர்ப்பிக்கவேண்டும்.
 

🗳️ விண்ணப்ப முறையின்படி, முன்மொழிபவர், வழிமொழிபவர், இணக்கம் தெரிவிக்கும் குறைந்தது நால்வர் ஆகியோரின் கையெழுத்துகள் உத்தேச வேட்பாளர்களுக்குத் தேவை.

🗳️ கையெழுத்திடுவோர், உத்தேச வேட்பாளர் - போட்டியிடும் தொகுதிவாசிகளாக இருக்கவேண்டும்.

🗳️ வேட்புமனுத் தாக்கலுக்கு எதிர்ப்புத் தெரிவிக்கப்படலாம். உத்தேச வேட்பாளர்கள் உரிய தகுதியைப் பெற்றிருக்கவில்லை அல்லது ஆவணங்கள் முறையாகப் பூர்த்தி செய்யப்படவில்லை போன்றவை சுட்டிக்காட்டப்படலாம்.

🗳️ குழுத்தொகுதிகளில் போட்டியிட விரும்பும் சிறுபான்மையினர்- மலாய்ச் சமூகக் குழு அல்லது இந்தியச் சமூகக் குழு அல்லது மற்ற சிறுபான்மைச் சமூகங்களைச் சேர்ந்த குழுவிடமிருந்து சான்றிதழைப் பெறவேண்டும்.

🗳️ நண்பகல் 12 மணிக்கு வேட்புமனுத் தாக்கல் முடிவடைந்து பிற்பகல் 12.30 மணிக்குள் எந்த எதிர்ப்பும் தெரிவிக்கப்படவில்லை என்றால், எந்தெந்தத் தொகுதிகளில் போட்டி இருக்கும், எவற்றில் போட்டி இல்லை போன்ற விவரங்கள் அறிவிக்கப்படும்.