21 ஆண்டுப் பயணத்தின் முடிவு - ஓய்வுபெறுகிறார் மெஸ்ஸி

காற்பந்து ஜாம்பவான் லயனல் மெஸ்ஸி (Lionel Messi) அனைத்துலகக் காற்பந்து ஆட்டங்களிலிருந்து ஓய்வுபெறுவதாக அறிவித்திருக்கிறார்.

அர்ஜென்ட்டின தேசிய அணியுடன் அவருடைய 21 ஆண்டுப் பயணம் முடிவுக்கு வருகிறது.

தேசிய அணிக்காகத் தம்மால் முடிந்த அனைத்தையும் செய்துவிட்டதாக 39 வயது மெஸ்ஸி சொன்னார்.

இளம் வீரர்கள் பொறுப்பேற்கவேண்டிய நேரம் வந்துவிட்டதாகவும் அவர் கூறினார்.

அர்ஜென்ட்டினாவுக்காக அதிகப் போட்டிகளில் விளையாடிய வீரர், அதிகக் கோல் தந்தவர் என்ற பெருமையுடன் விடைபெறுகிறார் மெஸ்ஸி.

அவர் 207 போட்டிகளில் 125 கோல்களைத் தந்துள்ளார்.

மெஸ்ஸி தலைமையில் அர்ஜென்ட்டினா 2022 உலகக் கிண்ணத்தையும் இரண்டு Copa America பட்டங்களையும் வென்றது.

Inter Miami அணியுடனான தமது பயணத்தைத் தொடரப்போவதாக மெஸ்ஸி தெரிவித்தார்.