உலகக் கிண்ணம் 2026 - முதல்முறையாக 48 அணிகள் களமிறங்கும்

2026ஆம் ஆண்டு நடைபெறவுள்ள ஆண்களுக்கான உலகக் கிண்ணக் காற்பந்துப் போட்டி 12 பிரிவுகளுடன் தொடங்கும் என்று அனைத்துலகக் காற்பந்துச் சம்மேளனம் (FIFA) தெரிவித்துள்ளது.

ருவாண்டா தலைநகர் கிகாலியில் நடந்த FIFA சந்திப்புக்குப் பின் புதிய மாற்றங்கள் அறிவிக்கப்பட்டன.

புதிய மாற்றங்கள்...

⚽ 12 பிரிவுகள்
⚽ ஒவ்வொரு பிரிவிலும் 4 அணிகள்.
⚽ முதல்முறையாக 48 அணிகள் களமிறங்கவுள்ளன. (முன்பு: 32)
⚽ மொத்தம் 104 ஆட்டங்கள் (முன்பு: 64)
⚽ இறுதியாட்டம் : ஜூலை 19, 2026

புதிய அமைப்பின் கீழ், ஒவ்வொரு பிரிவின் சிறந்த 2 அணிகளும் 3ஆம் நிலையில் உள்ள சிறந்த 8 அணிகளும் Knockout சுற்றுக்குத் தகுதி பெறும்.

இறுதியாட்டத்துக்குத் தகுதிபெறும் அணிகளும் 3ஆம் 4ஆம் நிலையில் வரும் அணிகளும் விளையாடும் ஆட்டங்களின் எண்ணிக்கை 7லிருந்து 8ஆக உயரும்.

உலகக் கிண்ணம் 2026 அமெரிக்கா, கனடா, மெக்சிகோ ஆகிய நாடுகளில் நடைபெறவுள்ளது.

-AFP