காமன்வெல்த் விளையாட்டுகளில் சிங்கப்பூருக்கு 4-ஆவது தங்கப் பதக்கம்
காமன்வெல்த் விளையாட்டுகளில் மேசைப்பந்துப் போட்டியில் பெண்கள் இரட்டையர் பிரிவில் சிங்கப்பூர் தங்கப் பதக்கம் வென்றுள்ளது.
சிங்கப்பூரின் ஃபெங் தியென்வெய் (Feng Tianwei),
ஸெங் ஜியெயன் (Zeng Jian) அணி ஆஸ்திரேலிய அணியை 3-0 என்ற செட்களில் தோற்கடித்துத் தங்கத்தைக் கைப்பற்றியது.
அது இவ்வாண்டுப் போட்டிகளில் சிங்கப்பூரின் 4-ஆவது தங்கப் பதக்கம்.
முன்னதாக பேட்மின்ட்டன் போட்டியின் கலப்பு இரட்டையர் பிரிவில் சிங்கப்பூர் இன்று தங்கப் பதக்கம் வென்றது.
காமன்வெல்த் விளையாட்டுகள் இன்றோடு நிறைவுக்கு வருகின்றன.
சிங்கப்பூர் வென்றுள்ள பதக்கங்கள்:
- மொத்தம் - 12
- தங்கம் - 4
- வெள்ளி - 4
- வெண்கலம் - 4
பார்க்கத் தவறிய விளையாட்டுகளின் முக்கியத் தருணங்களை YouTube தளத்தின் Mediacorp Entertainment வழி கண்டு ரசிக்கலாம்!