கண்கலங்கி நின்ற ஜப்பானின் தனாகா... ஆறுதல் சொன்ன பிரேசிலின் கூன்யா

பிரேசில் உலகக் கிண்ணப் போட்டியின் அடுத்த கட்டத்திற்கு முன்னேறியிருக்கிறது.

2-1 எனும் கோல் கணக்கில் ஜப்பானை வீழ்த்தியது பிரேசில்.

ஆட்டத்தில் பலரின் உள்ளத்தை உருகச் செய்த தருணம்?

ஜப்பானிய விளையாட்டாளர் ஆவோ தனாகாவிற்கு (Ao Tanaka) பிரேசிலிய விளையாட்டாளர் மத்தியூஸ் கூன்யா (Matheus Cunha) ஆறுதல் சொன்னது...

78ஆவது நிமிடத்தில் தான் தனாகா ஆட்டத்தில் நுழைந்தார்.

அதுவரை ஆட்டம் 1-1 எனச் சமநிலையில் இருந்தது.

94ஆவது நிமிடத்தில் தனாகா பந்தைத் தவறவிட்டார்.

பந்து பிரேசிலிடம் சென்றது. உடனே பிரேஸிலின் கேப்ரியல் மார்டினெல்லி (Gabriel Martinelli) கோல் அடித்துவிட்டார்.

பிரேசிலின் வெற்றி உறுதியானது.

ஆட்டத்திற்குப் பிறகு தனாகா கண்கலங்கி நின்றுகொண்டிருந்தார்.

அதைக் கண்ட கூன்யா, தனாகாவைக் கட்டி அணைத்து ஆறுதல் கூறினார்.

அந்தத் தருணம் சமூக ஊடகத்தில் பரவலாகப் பகிரப்படுகிறது.

எதிர் அணியில் இருந்தாலும் கூன்யாவின் அன்புமிக்கச் செயல் பலரின் கவனத்தை ஈர்த்தது.

இணையவாசிகள் பலரும் கூன்யாவைப் பாராட்டினர்.