வாழ்வியல் செய்தியில் மட்டும்
பயணம் மேற்கொள்ளத் தயாரா? முதலில் எங்கு செல்லத் திட்டம்?
நாடுகளின் எல்லைகள் திறந்துவிட்டன...
ஈராண்டாக ஓர் ஓரத்தில் இருந்த கடப்பிதழைப் பயன்படுத்த நேரம் வந்துவிட்டது!
வெளிநாட்டுப் பயணம் மேற்கொள்ளப் பலர் திட்டமிடுகின்றனர்.
அவர்களில் சிலரின் ஆசைகளை அறிய முற்பட்டது, 'செய்தி'...
பாலி
"நான் பாலிக்குச் செல்ல விரும்புகிறேன். அது அழகாகவும், அமைதி சூழ்ந்த இடமாகவும் உள்ளது. அங்கு உல்லாசத் தலத்தில் தங்க மிகவும் ஆசை!,"
- ஃபாத்திமா, 27
"பாலி என்றாலே உல்லாசத்தலம், உணவு, ஓய்வு... எனக்கு அதுதான் விருப்பம்!"
- பல்கிஸ், 26
ஜப்பான்
"கிருமிப்பரவல் தொடங்குவதற்கு முன்பே அங்கு செல்ல ஆசையாக இருந்தது. எனக்கு ஜப்பானின் கலாசாரம், உணவு மீது அதிக நாட்டம் உண்டு,"
- ஹர்ஷினி,21
ஜெர்மனி
"நான் பயணச்சீட்டுகளை ஏற்கெனவே வாங்கிவிட்டேன். சில நண்பர்களைச் சந்தித்து, அண்டை நாடுகளுக்கும் செல்லத் திட்டமிடுகிறேன். நெடுந்தூர நடையில் ஈடுபட விரும்புகிறேன்."
-அருணா, 28
பிரான்ஸ்
"நான் பிரான்ஸுக்குச் செல்ல விரும்புகிறேன். பல ஆண்டுகளாகவே ஐரோப்பாவுக்குச் செல்ல எண்ணியிருந்தேன். இனியும் காத்திருக்க விரும்பவில்லை,"
- அனிதா, 32
ஆஸ்திரேலியா
"புதிய இடங்களைச் சுற்றிப் பார்க்க அது ஓர் அழகான நாடு. இளைப்பாற நிறைய இடங்களும் உள்ளன,"
- கல்ஹாரி, 29
துருக்கி
"இஸ்லாமிய வரலாறு மிகுந்த நாடு. அதைப் பற்றி மேலும் அறிய ஆர்வம் உள்ளது. ஓய்வெடுக்கவும் நல்ல இடம்!"
- ஃபஹிரா, 23
மலேசியா
"கிருமிப்பரவலுக்கு முன் நான் மலேசியாவில் அழகை மெருகேற்றும் சிகிச்சைகளை
மேற்கொள்வதுண்டு. ஈராண்டுத் தடைக்கு பிறகு, அவற்றை மீண்டும் தொடங்கத் திட்டமிடுகிறேன்,"
- சங்கீதா, 33
இந்தியா
"நான் திருவண்ணாமலைக்குச் செல்ல விரும்புகிறேன். எனக்கு ஆன்மிகம் மீது ஆர்வமுண்டு. அங்கு நான் சென்று மூன்று ஆண்டுகளாக ஆகிவிட்டது. மீண்டும் செல்ல விரும்புகிறேன்,"
- பிரதீப், 33
"ஊட்டி மிகவும் அழகான இடம் என்று கேள்விப்பட்டேன். குளிரான மலைப்பகுதியில் தேநீர் அருந்த ஆசையாக உள்ளது. குடும்பத்தோடு இணைந்து பயணம்..."
- ஜேஸ்லின், 28
வாசகர்களில் பலர் இளைப்பாற இடம் தேடுவதைப் போல் தெரிகிறது...
நீங்கள் செல்ல விரும்பும் முதல் இடம் எது?