"முயன்று பாருங்கள், பிடித்தால் சேருங்கள்" - சட்டம் பயில விரும்புவோருக்கு சிங்கப்பூரின் செல்வாக்குமிக்க இளம் வழக்கறிஞரின் ஆலோசனை

செல்வாக்கு...

அதைப் பெறுவதற்குப் பணியிலோ தொழில்துறையிலோ அதிக அனுபவம் தேவை என்று நம்மில் பலர் நினைப்போம். 

ஆனால் வயதுக்கும் செல்வாக்கு பெறுவதற்கும் தொடர்பில்லை என்பதை நிரூபித்துள்ளனர் சில இளம் வழக்கறிஞர்கள்.

சிங்கப்பூரில் 40க்குக் குறைவான வயதுடைய ஆகச் செல்வாக்குமிக்க வழக்கறிஞர்கள் 30 பேரை Singapore Business Review பட்டியலிட்டது. 

சிங்கப்பூர்த் தமிழ்ப்பெண்ணான 30 வயது நந்தினி விஜயகுமார் அவர்களில் ஒருவர். 

2016ஆம் ஆண்டு TSMP Law Corporation நிறுவனத்தில் சேர்ந்தார் நந்தினி - அப்போது அவருக்கு வயது 24. கடந்த ஏழு ஆண்டுகளாக அங்கு பணிபுரிகிறார். 

சில பெரிய வழக்குகளில் வாதிட்டு வெற்றி பெற்றிருக்கிறார் அவர். Pro Bono எனும் குறைந்த வருமானம் கொண்டவர்களுக்கு  இலவசச் சட்டச் சேவையையும் வழங்குகிறார்.

அவருடன் பேசியது 'செய்தி'.

• "முயன்று பாருங்கள், பிடித்தால் சேருங்கள்"
• பயில்நிலைப் பயிற்சிகளை மேற்கொண்டு சட்டத்தின் கீழ் எந்தப் பிரிவு உங்களுக்குப் பொருத்தமானது என்பதைக் கண்டறியலாம்.
• உங்களது குணாதிசயங்களுக்குப் பொருத்தமான நிறுவனத்தைத் தேர்ந்தெடுப்பது மிகவும் முக்கியம். 

"என்னைப் போன்ற இளைய வழக்கறிஞர்களுக்கு அங்கீகாரம் கிடைத்தால், அது தொழிலில் மேலும் வளர்ச்சி கண்டு சேவை வழங்கத் தூண்டுதலாக அமையும்"