Booking.com இணையத்தளத்தில் ஊடுருவல் - "தனிப்பட்ட விவரம் திருடப்பட்டிருக்கலாம்"

பயண முகவர் தளமான Booking.com ஊடுருவப்பட்டுள்ளது.

வாடிக்கையாளர்களுக்கு அனுப்பிய மின்னஞ்சலில் Booking.com ஊடுருவல் பற்றி தகவல் தந்தது.

ஊடுருவலில் வாடிக்கையாளர்கள் சிலரின் பழைய முன்பதிவுகள், புதிய முன்பதிவுகள் தொடர்புடைய விவரம் அணுகப்பட்டிருக்கலாம் என்று நிறுவனம் சொன்னது.

அதில் பெயர், மின்னஞ்சல் முகவரி, தொலைபேசி எண் போன்ற விவரங்கள் அடங்கும்.

Booking.com கட்டமைப்பில் சேமித்து வைக்கப்பட்ட வாடிக்கையாளர்களின் நிதிப் பரிவர்த்தனைத் தகவல் ஊடுருவப்படவில்லை என்று அது உறுதிசெய்தது.

இப்போது நிலைமை கட்டுக்குள் இருப்பதாக Booking.com கூறியது.

புதிதாக முன்பதிவு செய்திருக்கும் வாடிக்கையாளர்களுக்கு இன்னொரு கடவுஎண்ணை வெளியிட்டிருப்பதாக அது சொன்னது.

வாடிக்கையாளர்கள் தங்களது மின்சாரச் சாதனங்கள் ஊடுருவப்படாமல் இருக்கத் தகுந்த மென்பொருளைப் பயன்படுத்தும்படிக் கேட்டுக்கொள்ளப்பட்டனர்.