2022 இல் தலைப்புச் செய்தியில் இடம்பிடித்த விளையாட்டு வீரர்கள்

COVID-19 கிருமிப்பரவலால் முடங்கிக் கிடந்த உலக விளையாட்டு அரங்கம் 2022 இல் மெல்லப் புத்துயிர் பெற்றது.

விளையாட்டுப் போட்டிகள் மட்டுமல்ல வீரர்களும் ரசிகர்கள் மனதில் நீங்கா இடம்பிடித்தனர்.

அவர்களில் சிலரைப் பற்றிய தொகுப்பு.

1. லயனல் மெஸ்ஸி (Lionel Messi)

• 36 ஆண்டுகளுக்குப் பிறகு அர்ஜெண்ட்டினா உலகக் கிண்ணத்தை வெல்லப் பங்காற்றியவர்களுள் முதன்மையானவர் மெஸ்ஸி.
   
• இதுவரை உலகக் கிண்ண இறுதியாட்டங்களில் ஆகச் சிறந்தது இந்த ஆண்டின் இறுதிபோட்டி. அர்ஜெண்டினா 4-2 என்ற பெனால்ட்டியில் பிரான்ஸை வீழ்த்தியது.
   
• உலகக் கிண்ணப் போட்டியில் 7 கோல்கள் அடித்ததுடன் 3 கோல்களுக்கு உதவிய மெஸ்ஸி 2ஆவது முறை தங்கப் பந்து விருது வென்றார்.

2. கீலியான் எம்பாப்பே (Kylian Mbappe)

• 2022 உலகக் கிண்ணக் காற்பந்துப் போட்டிகளில் அதிக கோல்கள் அடித்த பெருமை எம்பாப்பேயைச் சேரும்
   
• அர்ஜெண்ட்டினாவுக்கு எதிரான இறுதி ஆட்டத்தில் hat-trick அடித்தார் எம்பாப்பே.
   
• உலகக் கிண்ண இறுதி ஆட்டத்தில் 4 கோல்கள் அடித்த முதல் விளையாட்டாளர் அவர்.
   
• உலகக் கிண்ணப் போட்டிகளில் மொத்தம் 8 கோல்களைப் புகுத்திய அவர், FIFA தங்கக் காலணி விருது வென்றார்.

3. ரோஜர் ஃபெடரெர் (Roger Federer)

• சுவிட்சர்லந்து வீரர் ரோஜர் ஃபெடரெர் தொழில்முறை டென்னிஸ் போட்டிகளிலிருந்து ஓய்வுப் பெறுவதாக அறிவித்தார்.
   
• 41 வயது ஃபெடரெர், செப்டம்பர் 15ஆம் தேதி தமது சமூக ஊடகத்தில் அது பற்றி அறிவித்தார்.
   
• நீண்ட காலப் பிரச்சினையாக உள்ள முட்டுக் கால் காயமே டென்னிஸிலிருந்து தாம் ஓய்வுப்பெறக் காரணம் என்றார் ஃபெடரெர்.

4. நீரஜ் சோப்ரா

• "டைமண்ட் லீக்" (Diamond League) போட்டியில் தங்கப் பதக்கம் வென்ற முதல் இந்தியர் என்ற பெருமை அவரைச் சேரும்.
   
• 2020 தோக்கியோ ஒலிம்பிக்கின் ஈட்டி எறியும் போட்டியில் அவர் தங்கப் பதக்கம் வென்றார்.
   
• 2022 டைமன்ட் லீக்கிலும் தங்கப் பதக்கம் வென்று சாதனைப் படைத்தார்.
   
• ஈட்டி எறிதலில் அவர் பதிவுசெய்த தூரம் 88.44மீட்டர்.

 

சிங்கப்பூரைப் பொறுத்தவரை Yahooவில் அதிகம் தேடப்பட்ட விளையாட்டாளர் பேட்மிண்டன் வீரர் லோ கியென் இயூ (Loh Kean Yew).

• உலக பேட்மிண்டன் சம்மேளனத்தின் World Tour Finals போட்டியில் அவர் முன்னேறத் தவறினார்.
   
• ஆனாலும் திறமையான ஆட்டங்கள் வாயிலாக உலக பேட்மிண்டன் தரவரிசையில் அவர் மூன்றாம் இடத்தைப் பிடித்தார்.
   
• உலகத் தரவரிசையில் முதல் 3 இடங்களுக்குள் வந்த முதல் சிங்கப்பூர் வீரர் என்ற பெருமையை அவர் பெற்றார்.