Skip to main content
அமெரிக்க முன்னாள் அதிபர் டிரம்ப் மீது 34 குற்றச்சாட்டுகள்
சுலபம்
நடுத்தரம்
கடினம்
முந்தைய புதிர்கள்

விளம்பரம்

விளம்பரம்

உலகம்

அமெரிக்க முன்னாள் அதிபர் டிரம்ப் மீது 34 குற்றச்சாட்டுகள்

வாசிப்புநேரம் -
அமெரிக்க முன்னாள் அதிபர் டிரம்ப் மீது 34 குற்றச்சாட்டுகள்

(கோப்புப் படம்: AFP/Ed Jones)

அமெரிக்க முன்னாள் அதிபர் டோனல்ட் டிரம்ப் மீது 34 குற்றச்சாட்டுகள் பதிவு செய்யப்பட்டுள்ளன.

அவற்றை 76 வயது திரு. டிரம்ப் மறுக்கிறார்.

உறவு இருந்ததாகக் கூறப்படும் தகவலை மறைப்பதற்காக ஆபாசப் பட நடிகை ஸ்டோர்மி டேனியல்ஸுக்குப் (Stormy Daniels) பணம் கொடுத்ததன் தொடர்பில் திரு. டிரம்ப் மீது குற்றச்சாட்டுகள் கொண்டு வரப்பட்டன.

அவர் வர்த்தகப் பதிவுகளில் மோசடி செய்ததாகவும் அவற்றில் சிலவற்றை வரி தொடர்பில் தவறாகச் சித்திரித்ததாகவும் குற்றச்சாட்டு கூறுகிறது.

நியூயார்க் நகரில் அவை கடுமையான குற்றச்சாட்டுகளாக வகைப்படுத்தப்படுகின்றன.

வழக்கு விசாரணை அடுத்த ஆண்டு ஜனவரி மாதம் தொடங்கலாம் என்று நீதிபதி கூறினார்.

2024 அமெரிக்க அதிபர் தேர்தலுக்கான போட்டிகளும் அப்போதுதான் தொடங்கியிருக்கும்.

நியூயார்க் நகர நீதிமன்றத்திற்கு வந்திருந்த திரு. டிரம்ப் குற்றச்சாட்டுகளை அமைதியாகக் கேட்டார்.

அவர் அனைத்துக் குற்றச்சாட்டுகளையும் மறுத்த பின்பு எந்த நிபந்தனைகளும் இல்லாமல் விடுவிக்கப்பட்டார்.

திரு. டிரம்பின் வழக்கறிஞர்கள் அந்தக் குற்றச்சாட்டுகள் ஏமாற்றம் தருவதாகக் கூறினர்.

கடுமையான போராட்டத்துக்குத் தயார் என்றும் அவர்கள் அறிவித்தனர்.

அமெரிக்க வரலாற்றில் குற்றச்சாட்டுகளை எதிர்நோக்கும் முதல் முன்னாள் அதிபர் அவரே.

'செய்தி'-இன் அமெரிக்க, கனடியச் செய்திகளுக்கான நிருபர் ஐஸ்வரியா அதுகுறித்து தகவல் வழங்குகிறார். 

விளம்பரம்

மேலும் செய்திகள் கட்டுரைகள்

விளம்பரம்