கட்டுமானத் தளத்தில் தங்கப் புதையல்

பெல்ஜியத்தின் டன்டமோண்ட (Dendermonde) நகரில் புதுப்பிப்புப் பணி தங்கத் தேடலாக மாறியது.

ஊழியர்கள் அறநிறுவனக் கட்டடம் ஒன்றில் வடிகால் செயல்முறையை அமைக்க வேண்டியிருந்தது.

சுவர்களின் செங்கற்களுக்குள் இருந்தது தங்கப் புதையல்!

50 தங்கக் கட்டிகள்...தங்கக் காசுக்கள்...

அவற்றின் மொத்த மதிப்பு 9 மில்லியன் யூரோ (13.3 மில்லியன் வெள்ளி) இருக்கக்கூடும்!

தங்கத்தைக் கண்ட ஊழியர்களால் தங்களின் கண்களை நம்பமுடியவில்லை.

அவர்கள் காவல்துறைக்குத் தகவல் அனுப்பினர்.

அதிகாரிகள் உடனடியாகத் தங்கத்தை மீட்டு, பாதுகாப்புப் பெட்டகத்தில் வைத்தனர்.

தங்கத்தின் சொந்தக்காரர் யார் என்று தெரியவில்லை.

அதை உரியவரிடம் கொண்டுசேர்க்க விரும்புவதாக அதிகாரிகள் கூறினர்.

கட்டுமானத் தளத்தில் இன்னும் புதையல் இருக்கலாம் என்று சிலர் எண்ணுகின்றனர். பொதுமக்கள் அங்கிருந்து விலகியிருக்கும்படி அதிகாரிகள் எச்சரித்தனர்.