ஆட்குறைப்புச் செய்யும் பெரிய தொழில்நுட்ப நிறுவனங்கள்...
வாசிப்புநேரம் -
தொழில்நுட்ப உலகில் சென்ற ஆண்டு இறுதிப் பகுதியிலிருந்து ஊழியர்களைக் குறைக்கும் நடவடிக்கைகள் அதிக அளவில் இடம்பெறுகின்றன...
குறிப்பாக நிலையான, பெரிய தொழில்நுட்ப நிறுவனங்கள் என்று கருதப்படும் சிலவற்றில் பெரிய அளவிலான ஆட்குறைப்பு நடவடிக்கைகள் இடம்பெறுகின்றன, அல்லது அறிவிக்கப்பட்டுள்ளன.
எந்தெந்த நிறுவனங்கள் அத்தகைய நடவடிக்கையில் ஈடுபட்டுள்ளன?
- Facebook நிறுவனத்தை நிர்வகிக்கும் Meta, 11,000க்கும் அதிகமான ஊழியர்களை ஆட்குறைப்புச் செய்வதாகச் சென்ற நவம்பரில் அறிவித்தது.
- சமூக ஊடகத் தளமான Twitterஇன் தலைமை நிர்வாக அதிகாரி இலோன் மஸ்க் சென்ற அக்டோபர் மாதம் நிறுவனத்தை வாங்கியதிலிருந்து ஊழியரணியில் சுமார் 50 விழுக்காட்டினரைக் குறைத்தார்.
- இணைய வர்த்தகத் தளத்தையும் அதற்கான விநியோகங்களையும் நிர்வகிக்கும் Amazon நிறுவனம் 18,000க்கும் அதிகமான ஊழியர்களை ஆட்குறைப்புச் செய்யத் திட்டமிட்டுள்ளதாக The Wall Street Journal தெரிவித்தது.
- கூகள் தேடல் தளத்தை நிர்வகிக்கும் Alphabet நிறுவனம் உலக அளவில் சுமார் 12,000 வேலைகளை நீக்கவிருக்கிறது.
- கணினி, கணினி மென்பொருள் நிறுவனமான Microsoft அதன் ஊழியரணியில் சுமார் 5 விழுக்காடு, அதாவது கிட்டத்தட்ட 11,000 பேரை ஆட்குறைப்புச் செய்யத் திட்டமிடுவதாக ஊடகத் தகவல்கள் தெரிவிக்கின்றன.
- Spotify நிறுவனம் இந்த வாரம் அதன் ஊழியர்களில் ஏறக்குறைய 6 விழுக்காட்டினரை (கிட்டத்தட்ட 600 பேர்) ஆட்குறைப்புச் செய்யப்போவதாகத் தகவல்கள் வெளிவந்துள்ளன.
ஆதாரம் : Others