ஒலிம்பிக் போட்டி - மனத்தில் நிற்கும் தருணங்கள்...

பாரிஸில் நடைபெற்ற ஒலிம்பிக் போட்டிகள் நிறைவுற்றிருக்கின்றன.

நிறைவு விழா நேற்று (11 ஆகஸ்ட்) சிறப்பாக நடந்தேறியது.

போட்டிகளில் பல முக்கிய, மனத்தில் நிற்கும் தருணங்கள் இருந்தன...

அவற்றில் சிலவற்றைப் பார்ப்போம்...

🥇சீருடற்பயிற்சி விளையாட்டில் வெண்கலம், வெள்ளிப் பதக்கங்களை வென்ற ஜோர்டன் சைல்ஸும் (Jordan Chiles) சிமோன் பாயில்ஸும் தங்கப் பதக்கத்தைப் பெற்ற ரெபெக்கா அண்டிராடெவை (Rebeca Andrade) கௌரவிக்க மண்டியிட்டு மரியாதை செலுத்தினர். அண்டிராடேவை 'ராணி' என்று கூப்பிட்டு அவருக்குப் பெருமை சேர்த்தனர்.

🥇அமெரிக்க நீச்சல் வீரர் பாபி ஃபிங்க் (Bobby Finke) 1,500 மீட்டர் நீச்சல் போட்டியில் வென்றார். 120 ஆண்டாக ஒலிம்பிக் நீச்சல் போட்டியில் அமெரிக்கர்கள் குறைந்தது ஒரு தங்கப் பதக்கத்தை வெல்லும் பாரம்பரியத்தை அவர் தொடர்ந்தார். அதைக் கொண்டாட பார்வையாளர்களில் ஒருவர் கூக்குரலிட்டு மணியடித்தார்.

🥇 கேத்தி லெடெக்கி (Katie Ledecky) எனும் அவர் சில நாள்களுக்கு முன்னர்தான் பெண்கள் நீச்சலில் அதே பிரிவில் தங்கப் பதக்கத்தை வென்றார். 14 முறை ஒலிம்பிக் போட்டியில் பதக்கம் வென்றவர் அவர்.

🥇 செர்பிய டென்னிஸ் வீரர் நோவாக் ஜோக்கோவிச்(Novak Djokovic) முதன்முறையாக ஒலிம்பிக் போட்டியில் தங்கப் பதக்கத்தை வென்றபோது அவரின் கண்களிலிருந்து ஆனந்தக் கண்ணீர் பெருக்கெடுத்தது. டென்னிஸில் பல சாதனைகளைப் படைத்திருக்கும் அவர், ஒலிம்பிக் போட்டியில் தங்கப் பதக்கத்தை வென்றதைத் தமது ஆகப்பெரிய சாதனையாகக் கருதுகிறார்.

🥇 ஆண்களுக்கான 200 மீட்டர் ஓட்டப்பந்தயத்தில் நோவா லைல்ஸ் (Noah Lyles) வெண்கலம் வென்றார். போட்டி முடிந்ததும் அவர் மண்டியிட்டு மூச்சு விட முடியாமல் தவித்தார். அவருக்குத் தண்ணீர் கொடுக்கப்பட்டு சக்கர நாற்காலியில் அங்கிருந்து கிளம்பினார். 2 நாள்களுக்கு முன்னர் தமக்கு COVID-19 நோய் இருப்பதை அறிந்த லைல்ஸ் அதை யாரிடமும் கூறவில்லை. அவருக்கு நோய் இருப்பதைப் பற்றி அறிந்தால் பதற்றம் நிலவும் என்பதை நினைத்து அவர் அஞ்சினார். நோய் ஏற்பட்டும் பந்தயத்தில் பதக்கம் வென்றதை எண்ணிப் பெருமைப்படுவதாக அவர் சொன்னார்.