சாலையில் படுத்துறங்கிய கடல்நாய்

கடல்நாய் கடலில் இருக்கும்...

ஆனால் ஆஸ்திரேலியாவின் விக்டோரியா மாநிலத்தில் சாலையில் இருந்தது.

அதுவும் வாகனங்கள் சென்றுகொண்டிருப்பதை முற்றிலும் கவனிக்காமல் உறங்கிக்கொண்டிருந்தது!

தகவல் அறிந்த அதிகாரிகள் அதைச் சுற்றித் தடுப்புகளை அமைத்தனர்.

வாகனங்கள் கடல்நாய் இருக்கும் தடத்தைத் தவிர்த்துவிட்டுச் சென்றன.

அதிகாரிகள் பின்னர் கடல்நாயைக் கடலை நோக்கி வழிகாட்டினர்.

'சேமி' என்று அழைக்கப்படும் கடல்நாயை உள்ளூர்வாசிகள் அடிக்கடி காண்பதுண்டு.

எப்போதுமே தூங்கிய நிலையில் காணப்படும் சேமி எங்குத் தோன்றும் எனத் தெரியாது என்று சிலர் கூறினர்.

அதைச் சாலையில் கண்டது இதுவே முதல்முறை என்று அவர்கள் தெரிவித்தனர்.