சுவிட்சர்லந்துத் தீ - இதய வடிவத்தில் அஞ்சலி

சுவிட்சர்லந்தில் புத்தாண்டுக் கொண்டாட்டத்தின்போது தீ விபத்தில் மாண்டோருக்கு அஞ்சலி செலுத்தப்பட்டுள்ளது.

இதய வடிவத்தில்...

கிரான் மொண்டானா (Crans-Montana) நகரின் பனிச்சறுக்கு மலையில் திரண்ட சுமார் 1,000 பேர் அந்த வடிவத்தை உருவாக்கினர்.

கிரான் மொண்டானா சுற்றுலா அலுவலகம் ஒரு காணொளியைப் பகிர்ந்துகொண்டது.

ஒருவர் பின் ஒருவராக பனியில் சறுக்கிக்கொண்டே மலையின் ஓரிடத்தில் திரண்டு மக்கள் இதய வடிவத்தில் நிற்பதைக் காணொளியில் பார்க்கமுடிகிறது.

கிரான் மொண்டானாவிலுள்ள மதுக்கூடத் தீ விபத்தில் 40 பேர் மாண்டனர். சுமார் 120 பேர் காயமுற்றனர்.

மது போத்தல்களில் இருந்த நெருப்புப் பொறி தீ விபத்துக்குக் காரணமாயிருக்கலாம் என்று கூறப்படுகிறது.

மாண்டோர் அனைவரும் அடையாளங் காணப்பட்டனர். அவர்களில் பெரும்பாலோர் இளையர்கள்.