தென்கொரியா அதிபர் தேர்தல் - வாக்களிப்புத் தொடங்கியது

தென்கொரியாவில் இன்று அதிபர் தேர்தல் வாக்களிப்பு.

முன்னாள் அதிபர் யூன் சுக் யோல் (Yoon Suk Yeol) சில மணி நேரம் ராணுவ ஆட்சியை நடைமுறைப்படுத்தி மீட்டுச் சரியாக 6 மாதங்கள் ஆகிவிட்டன.

உள்ளூர் நேரப்படி இன்று அதிகாலை 5 மணிக்கு வாக்களிப்பு தொடங்கியது.

இன்று மாலை 6 மணி வரை அது தொடரும்.

சென்ற வாரம் ஆரம்பக்கட்ட வாக்களிப்பில் மில்லியன் கணக்கானோர் வாக்களித்துவிட்டனர்.

பதிவு செய்யப்பட்ட வாக்காளர்களில் மூன்றில் ஒரு பங்கிற்கும் அதிகமானோர் ஏற்கனவே வாக்களித்துவிட்டதாகத் தென்கொரியாவின் தேசிய தேர்தல் ஆணையம் தெரிவித்தது.

தென்கொரியாவின் அடுத்த அதிபராவதற்கு 4 வேட்பாளர்கள் போட்டியிடுகின்றனர்.

எதிரணியான கொரிய ஜனநாயக கட்சியைச் சேர்ந்த வேட்பாளர் லீ ஜே மியுங் (Lee Jae Myung) கருத்துக்கணிப்புகளில் முன்னிலை வகிப்பதாக கூறப்படுகிறது.