இலங்கை அதிபர் தேர்தலில் போட்டியிடும் அனுரகுமார திசாநாயக்க... யார் இவர்?

இலங்கையில் அதிபர் தேர்தலின் வாக்குகளை எண்ணும் பணி நடைபெற்றுக்கொண்டிருக்கிறது.

தற்போதைய நிலவரப்படி, மார்க்சிஸ்ட் கட்சி வேட்பாளர் அனுரகுமார திசாநாயக்க (Anura Kumara Dissanayake) முன்னிலையில் இருப்பதாகக் கூறப்படுகிறது.

திரு திசாநாயக்க பற்றிய விவரங்களைத் திரட்டியது 'செய்தி'.

இளமைப் பருவம்

• 1968ஆம் ஆண்டு நவம்பர் 24 ஆம் தேதி இலங்கையின் தாம்புத்தேகமாவில் பிறந்தார்.
• தந்தை கூலி வேலை செய்தார். அம்மா இல்லத்தரசியாக இருந்தார்.
• தாம் பயின்ற கல்லூரியிலிருந்து பல்கலைக்கழகத்திற்குத் தகுதிபெற்ற முதல் மாணவர் எனும் பெருமை அவரைச் சேரும்.

அரசியல் வாழ்க்கை

• திரு திசாநாயக்க பள்ளிப் பருவத்திலேயே JVP எனப்படும் ஜனதா விமுக்தி பெரமுனா (Janatha Vimukti Peramuna) கட்சியில் ஈடுபட்டிருந்தார்.
• படிப்படியாக முன்னேறி 2014இல் ஜனதா விமுக்தி பெரமுனா கட்சியின் தலைவர் ஆனார்.
• ஜனதா விமுக்தி பெரமுனா கட்சியைப் பிரதிநிதித்து 2019இல் அதிபர் வேட்பாளராகப் போட்டியிட்டார். 3 விழுக்காட்டு வாக்குகளைப் பெற்று தோல்வியுற்றார்.

அரசியல் கொள்கைகளில் சில..

• சமூக நலனை அதிகரிக்கவேண்டும்
• வரி தொடர்பில் மாற்றங்களைக் கொண்டு வரவேண்டும்

இலங்கை அதிபர் தேர்தல் குறித்து மேல் விவரங்களைப் பெற 'செய்தி' இணையவாசலுடன் இணைந்திருங்கள்.