காஸாவில் உலகக் கிண்ண ஆட்டங்களைத் திரையிட்டவர் கொல்லப்பட்டார்

காஸா மக்களுக்காக உலகக் கிண்ண ஆட்டங்களைத் திரையிட்டவர் இஸ்ரேல் நடத்திய ஏவுகணைத் தாக்குதலில் கொல்லப்பட்டார்.

57 வயது முகமது அல் வஹிடி (Mohamed al-Wahidi) எகிப்தைப் பிரதிநிதித்து பல ஆண்டுகளாகக் காஸாவில் நிவாரண நடவடிக்கைகளை வழிநடத்தி வந்தார்.

அதைப் போலவே பொது இடங்களில் உலகக் கிண்ண ஆட்டங்களை அனைவரும் கண்டு களிக்க அவர் முயற்சி எடுத்தார்.

எகிப்து - அர்ஜென்ட்டினா ஆட்டம் தொடங்குவதற்கு ஒரு மணி நேரம் முன்னர் அவர் கொல்லப்பட்டார்.

காஸாவின் சாப்ரா (Sabra) வட்டாரத்தில் இஸ்ரேல் தாக்குதல் நடத்தியது. அப்போது அவர் ஆட்டத்தைக் காண டாக்சியில் அங்கிருந்து டெல் அல்-ஹவா (Tel al-Hawa) பகுதிக்குச் சென்றுகொண்டிருந்தார்.

அவரைக் குறிவைக்கவில்லை என்றும், ஹமாஸ் அமைப்பின் ராணுவத் தளத்தைக் குறிவைத்துதான் தாக்குதல் நடத்தப்பட்டது என்றும் இஸ்ரேல் கூறியது.

அவருடன் மேலும் மூவர் கொல்லப்பட்டனர். அவருடைய டாக்சி ஓட்டுநர் உயிர் பிழைத்தார்.