செலவோ செலவு இதுவரை இல்லாத செலவு... கத்தார் உலகக் கிண்ணக் காற்பந்துப் போட்டிக்கு எவ்வளவு செலவு?

இதுவரை காணாத அளவில் உலகக் கிண்ணக் காற்பந்து போட்டி தொடர்பான ஏற்பாடுகளுக்கு ஆக அதிகமான பணத்தைக் கத்தார் செலவழித்துள்ளது.

அதுபற்றிய சில சுவாரஸ்யத் தகவல்களைத் திரட்டி முன்வைத்தது Forbes.

எப்போது?

• 6 ஆண்டுகளுக்கு முன்பு கத்தார் 2022ஆம் ஆண்டுக்கான உலகக் கிண்ணப் போட்டிகளை ஏற்றுநடத்தும் என்று முடிவுசெய்யப்பட்டது

2017ஆம் ஆண்டில் கத்தாரின் நிதியமைச்சர், அந்நாடு உலகக் கிண்ணத்தை ஏற்றுநடத்துவதற்கான ஏற்பாடுகளின் தொடர்பில் வாரத்துக்கு 500 மில்லியன் டாலர் செலவழிப்பதாகச் சொன்னார்.

செலவுகள் பலவிதம்....

• $42 மில்லியன்: போட்டியை வெல்லும் நாட்டின் அணிக்கு
   
• $128 மில்லியன்: ஆக அதிகச் சம்பளம் பெறும் உலகக் கிண்ண விளையாட்டாளரின் சம்பளம் - பிரான்ஸின் கைலியான் இம்பாப்பே (Kylian Mbappe)
   
• $209 மில்லியன்: உலகக் கிண்ணத்தில் போட்டியிடும் விளையாட்டாளர்களை உருவாக்கிப் பயிற்சியளித்ததற்கு உலகிலுள்ள காற்பந்தாட்ட அமைப்புகள் பெறும் மொத்தத் தொகை
   
• $277 மில்லியன்: இவ்வாண்டு உலகக் கிண்ணப் போட்டியின் பிரதிநிதியாகப் பணியாற்றுவதற்குக் காற்பந்தாட்டப் பிரபலம் டேவிட் பெக்கமுக்கு அளிக்கப்படும் பணம்
   
• $440 மில்லியன்: இவ்வாண்டு உலகக் கிண்ணப் போட்டியின் மொத்தப் பரிசுத் தொகை
   
• $1.7 பில்லியன்: இவ்வாண்டு உலகக் கிண்ணப் போட்டிகளை நடத்த FIFA வழங்கும் பணம் (இதில் பரிசுத் தொகை, தளவாடச் செயல்பாடுகள் முதலியவை அடங்கும்)
   
• $4.7 பில்லியன்: இவ்வாண்டின் உலகக் கிண்ணப் போட்டிக்கான வருமான முன்னுரைப்பு - FIFAஇன் கணிப்புப்படி...
   
• $6.5-10 பில்லியன்: கத்தார் உலகக் கிண்ணப் போட்டிகளுக்கான விளையாட்டரங்குகளைக் கட்டுவதற்குச் செலவழிக்கப்பட்டது
   
•  $14.2 பில்லியன்: ரஷ்யா 2018ஆம் ஆண்டு உலகக் கிண்ணப் போட்டிக்குச் செலவழித்த மொத்தத் தொகை
   
• $220 பில்லியன்: கத்தார் போட்டியை ஏற்றுநடத்தத் தேர்ந்தெடுக்கப்படுமா என்று உறுதியாகத் தெரியாத நிலையிலிருந்தே 10 ஆண்டுகளுக்கு முன்பிலிருந்து உலகக் கிண்ணப் போட்டிக்கான தயாரிப்புக்குச் செலவழிக்கப்பட்ட பணம்.