"Peer Pressure" - அடுத்தவரைப் பார்த்தே நொந்துபோகும் போக்கு.....விளைவு?

"சமூக ஊடகத்தில் நண்பர்கள் பகிரும் அழகிய படங்களை என்னுடன் ஒப்பிட்டு வருந்தியுள்ளேன். எனது தோற்றம் குறித்து பதற்றம்தான் மிஞ்சியது; தன்னம்பிக்கையை இழந்தேன். பிறகு எல்லாரும் அவரவர் தோற்றத்தில் அழகு என்பதை உணர ஆரம்பித்து என் எண்ணங்களை மாற்றிக்கொண்டேன்"

"ஆங்கிலப் பாடல்கள் கேட்பதில் எனக்கு ஆர்வமில்லை. ஆனால் என்னுடன் இருப்பவர்கள் கேட்கிறார்கள் என்பதற்காக நானும் அதை கேட்கிறேன்..."

"நன்றாகப் படிக்கும் எனது நண்பர்களுக்கு இடையே நானும் ஏற்றுக்கொள்ளப்பட வேண்டும்; அவர்கள் என்னை தாழ்த்திவிடக் கூடாது என நெருக்குதல்..."

"இன்னொரு பக்கம் சமூக ஊடகத்தில் சகாக்களின் சுதந்திரமான வாழ்க்கையைப் பார்த்து அதே போன்று நானும் வாழ வேண்டும் என நெருக்குதல்..."

"திறன்பேசி உள்ளிட்ட விலையுயர்ந்த பொருள்களை நான் பயன்படுத்துவதில்லை. இதனால் உடன் இருப்பவர்களின் ஆடம்பர வாழ்க்கையை மிகப் பெரிய நெருக்குதலாக உணர்கிறேன்"

"நான் நன்றாகப் படிப்பேன். இருந்தாலும் என்னைவிட சற்று அதிகப் புள்ளிகளை எடுத்தவர்களுடன் ஒப்பிட்டுப் பார்த்து மன உளைச்சலுக்கு ஆளாகியிருக்கிறேன். ஒருவகையில் இந்த நெருக்குதல் படிப்பில் என்னை இன்னும் பலசாலியாக மாற்றியுள்ளது"

"மற்றவர்கள் செய்வதைப் பின்பற்றாமல் தனித்து நிற்பதை விரும்புவேன். எனக்குப் பிடித்தவற்றைச் செய்வதில் கவனம் செலுத்துவேன். என்னை மற்றவர்களுக்காக மாற்றிக்கொள்ளும் எண்ணம் இல்லை"