தமிழ் அடையாளம் - முகமூடி அணிந்து வாழத் தேவையில்லை!

நண்பர்கள் கேலி செய்வார்கள் என்று எண்ணி தமிழில் பேசுவதைத் தவிர்த்ததுண்டா?

பிடித்ததை ஒதுக்கிவிட்டுப் பிறருக்காக ஒரு முகமூடியை அணிந்து வாழ வேண்டிய அவசியமில்லை.

அந்தக் கருப்பொருளுடன் அமைந்தது 'மெய்யுரு'.


 

தமிழ் இளையர் விழாவை ஒட்டி நீ ஆன் (Ngee Ann) பலதுறைத் தொழிற்கல்லூரியில் நிகழ்ச்சி நடந்தது.

இளம்பருவ தமிழ் கல்வி பட்டயப் படிப்பைப் பயிலும் மாணவர்களின் உழைப்பில் படைப்பு உருவானது.
 

திரைக்கு முன்னும் பின்னும் சுமார் 40 மாணவர்கள் பங்காற்றினர்.

ஆறு மாதங்களாகத் திட்டமிட்டு, விடுமுறையின் போதும் நிகழ்ச்சிக்காகத் தயார் செய்தனர்.
 

இன்று அரங்கேறிய ஆடல், பாடல், நாடக அங்கங்கள் பார்வையாளர்களைக் கவர்ந்தன.

தமிழில் பேசவோ தமிழ் அடையாளத்தை வெளிப்படுத்தவோ தயங்கக்கூடாது என்பதை நிகழ்ச்சி அனைவருக்கும் உணர்த்தியது.