இளையர்கள் மனம்விட்டுப் பேச ‘U.R.A.I & Beyond’

இளையர்களிடையே அர்த்தமுள்ள உரையாடலுக்கு வழியமைக்க ‘U.R.A.I & Beyond’ என்ற நிகழ்ச்சி நேற்று நடத்தப்பட்டது.

சிங்கப்பூர்த் தமிழ் இளையர் மன்றம் (STYC) நிகழ்ச்சிக்கு ஏற்பாடு செய்தது.

நியமன நாடாளுமன்ற உறுப்பினர் ஹரேஷ் சிங்கராஜூ சிறப்புப் பேச்சாளராகப் பங்கேற்றார்.

15 முதல் 35 வயதுடைய இளையர்கள் நிகழ்ச்சியில் கலந்துகொண்டனர்.

நிகழ்ச்சியின் கருப்பொருள் இளையர்களின் மனநலம்.

மனநலம் பற்றிய விழிப்புணர்வை விரிவுபடுத்துவதுடன் மனநலனைப் பற்றித் தயக்கமின்றி பேசுவதற்கான சூழலை உருவாக்குவது நிகழ்ச்சியின் நோக்கம்.

இளையர்கள் தங்களின் எதிர்பார்ப்புகள், எதிர்கொள்ளும் சவால்கள் பற்றிப் பகிர்ந்துகொண்டனர்.

தங்களது தனிப்பட்ட அனுபவங்களைப் பற்றிச் சிந்திக்கவும், தயக்கமின்றிக் கேள்விகள் கேட்கவும் நிகழ்ச்சி வாய்ப்பளித்தது.

இளையர்கள் பொதுவாக எதிர்கொள்ளும் சவால்களை எப்படிக் சமாளிக்கலாம் என்று கண்டறிய நிகழ்ச்சி உதவியது.