கேலாங் ஈஸ்ட் ஸ்ரீ சிவன் கோயில் மகா கும்பாபிஷேகம் - பக்தர்கள் என்ன எதிர்பார்க்கலாம்?

அடுத்து வரும் ஜூன் 8ஆம் தேதி கோயிலில் மகா கும்பாபிஷேகம் நடைபெறவுள்ளது.

கும்பாபிஷேகம் காணவுள்ள சிவன் கோயிலில் என்னென்ன சிறப்புகள் உள்ளன, பொதுமக்களும் பக்தர்களும் என்ன எதிர்பார்க்கலாம்? விவரமளித்தது ஆலயத்தை நிர்வகிக்கும் இந்து அறக்கட்டளை வாரியம்.
 

'அன்பே சிவம்' புத்தகம்...

🪔கோயில் வரலாறு, அதிலுள்ள சிற்பக் கலைகள் பற்றி எடுத்துக்கூறும் 'அன்பே சிவம்' என்ற சிறப்புப் புத்தகம் வெளியிடப்பட்டுள்ளது.

🪔பொதுமக்கள் இன்று முதல் புத்தகத்தை 15 வெள்ளிக்குக் கோயிலில் வாங்கலாம்.

🪔ஆங்கிலம், தமிழ் ஆகிய இருமொழிகளிலும் விவரங்கள் கொண்ட அப்புத்தகம் மொத்தம் 150 பக்கங்களைக் கொண்டிருக்கிறது.

கோயில் மறுசீரமைப்பு.....

🛕வழிபாடுகள், விழாக்கள், சமூக நடவடிக்கைகளை மேற்கொள்ள போதிய இடங்களும் வளங்களும் ஏற்படுத்தப்பட்டுள்ளன.

🛕ஸ்தபதி திரு எஸ் நாகராஜன் தலைமையில் சிற்பக் கலைகள் மறுசீரமைக்கப்பட்டன. 1993இல் ஆலயம் கேலாங் ஈஸ்ட்டுக்கு மாற்றப்பட்டபோது சிற்ப வேலைகளைச் செய்த பெருமை இவரைச் சேரும்.

🛕மரத்தாலும் வெள்ளியாலும் செய்யப்பட்ட பழைய கட்டமைப்புகள் புதுப்பிக்கப்பட்டன.